Hindi kagaya ni Tala ang ibang mga bata sa bahay-ampunan. Hindi siya iniwan. Nawawala lang. Ang plano niya: tutulungan niya ang kanyang mga magulang na mahanap siya. Kailangan niya lang makasali sa kontes na Laro ng Lahi. Pero parang hanggang plano na lang ito. Malabo kasing makabuo ng grupong sasali dahil sa alitan ng Grade 5 at Grade 6. Mukhang magtitiis na naman si Tala na mag-abang.